BAADA YA KUWEPO HOFU YA MAANDAMANO, MJI WA MTWARA WATAWALIWA NA UKIMYAA, SHUGHULI ZA SIMAMA, ULINZI KILA KONA. .... ONA HALI ILIVYOKUWA

Ulinzi umeimarishwa kila kona

Hali ya usalama ndani ya Manispaa ya Mtwara-Mikindani ni tete. Soko Kuu, kituo kuu cha mabasi na maduka yamefungwa tangu asubuhi. Usafiri wa Pikipiki unapatikana katika baadhi ya maeneo machache ya mji, huku maneo makuu ya biashara yakiwa wazi bila ya pilikapilika za watu kama ilivyo kawaida.

Polisi wakiwa kwenye magari wameonekana katika maeneo mbalimbali ya mji, na wengine kuweka makambi madogo katika maeneo yanayoaminika kuwa na msongamano wa watu katika siku za kawaida. 

Mwandishi huyu ameshuhudia magari ya polisi yakiwa na askari katika maeneo ya Bima, Soko kuu ambako pia kulikuwa na gari la kumwaga maji ya kuwasha, Magomeni, Skoya na Majengo. 

Soko Kuu, kituo kuu cha mabasi na maduka yamefungwa tangu asubuhi.

 

MADUKA YA BIMA YOTE CLOSED:

Read more »

MWANDISHI CHARLES MULINDA AJITOA JUKWAA LA WAHARIRI .... SABABU ZA KUFANYA HIVYO HIZI HAPA

 

Charles Mullinda

Mhariri Mtanzania Jumatano

Kaimu Mwenyekiti

Jukwaa la WahaririYAH: KUJITOA KWENYE JUKWAANapenda kukufahamisha kuwa nimeamua kujitoa kwenye Jukwaa la Wahariri kwa sababu siridhiki na mwenendo wa Jukwaa hilo.Nimeamua kujitoa kwa sababu sijaridhishwa na uamuzi uliofikiwa wa kuingilia uhuru wa habari na kufumbia macho baadhi ya mambo ambayo ninaamini hayapaswi kufumbiwa macho.

Uamuzi wangu huu pia unatokana na jinsi jukwaa linavyotumia nguvu kubwa kuficha ukweli unao wahusisha

baadhi ya wahariri ambao gazeti hili lilibaini kuwa walikuwa na mawasiliano yenye utata na aliyekuwa mtuhumiwa wa ugaidi, Joseph Ludovick.Aidha, siridhishwi na jinsi baadhi ya wahariri wanavyoshambuliwa na wahariri wenzao katika magazeti yao pasipo Jukwaa kuchukua hatua huku kwa upande mwingine likitumia nguvu kubwa na pesa nyingi kuwalinda baadhi ya wahariri ambao nyendo zao zinatia mashaka.

Read more »

ZITTO KABWE AONGELEA KUHUSU KUBINAFSISHWA KWA RELI DSM

 

Zitto Kabwe
Ubinafsishaji wa usafiri wa reli Dar Es salaam - uk. 24 wa hotuba ya Waziri Mwakyembe " .... Wizara kupitia RAHCO itakamilisha mchakato wa kumpata mwekezaji na mwendeshaji wa huduma ya usafiri wa treni ya abiria katika jiji la Dar Es Salaam atakayetumia miundombinu ya reli iliyopo....." 

 

Kwa nini serikali haikuanza Kwa kuwa na Shirika la Reli Dar Es Salaam kabla ya kwenda kwenye ubinafsishaji? .Tumeshafanya tathmini ya ubinafsishaji wa awali wa usafiri wa reli nchini? Tumejifunza nini?

TAARIFA ZA KIMICHEZO KUTOKA SHIRIKISHO LA MPIRA WA MIGUU (TFF)

 

PAZIA LIGI KUU YA VODACOM KUFUNGWA JUMAMOSI

Ligi Kuu ya Vodacom (VPL) kuwania ubingwa wa Tanzania Bara msimu huu (2012/2013) inafikia tamati kesho (Mei 18 mwaka huu) kwa timu zote 14 kupambana katika viwanja saba tofauti.

Mechi zote zitachezwa kuanzia saa 10 kamili jioni. Ni jukumu la kamishna wa mechi husika kuhakikisha mchezo unaanza katika muda uliopangwa, vinginevyo hatua za kinidhamu zitachukuliwa kwa mujibu wa Kanuni za Ligi Kuu ya Vodacom toleo la 2012.

 

Yanga ambayo tayari imeshatwaa ubingwa itakuwa mgeni wa Simba katika mechi namba 180 itakayochezwa Uwanja wa Taifa, Dar es Salaam ambapo mwamuzi atakuwa Martin Saanya kutoka Morogoro na Kamishna ni Emmanuel Kavenga wa Mbeya.

Mgambo Shooting vs African Lyon (Uwanja wa Mkwakwani, Tanga. Mwamuzi ni Amon Paul wa Mara wakati Kamishna ni Ally Mkomwa kutoka Pwani), JKT Ruvu vs Mtibwa Sugar (Uwanja wa Azam Chamazi, Dar es Salaam. Mwamuzi ni Israel Mujuni wa Dar es Salaam wakati Kamishna ni Salum Kikwamba kutoka Kilimanjaro).

Tanzania Prisons vs Kagera Sugar (Uwanja wa Sokoine, Mbeya. Mwamuzi ni Ibrahim Kidiwa wa Tanga wakati Kamishna ni John Kiteve kutoka Iringa), Oljoro JKT vs Azam (Uwanja wa Sheikh Kaluta Amri Abeid, Arusha. Mwamuzi ni Athuman Lazi wa Morogoro wakati Kamishna ni Juma Mgunda kutoka Tanga).

Uwanja wa Jamhuri, mjini Morogoro utatumika kwa mechi kati ya Polisi Morogoro na Coastal Union ya Tanga ambapo Mwamuzi atakuwa Said Ndege wa Dar es Salaam wakati Kamishna ni Hakim Byemba kutoka Dodoma. Toto Africans itacheza na Ruvu Shooting katika Uwanja wa CCM Kirumba jijini Mwanza ambapo mwamuzi ni Geoffrey Tumaini kutoka Dar es Salaam na Kamishna ni Josephat Magazi wa Singida.

MECHI ZA MARUDIANO RCL WIKIENDI HII

Read more »

Tamko la Wizara kuhusu habari ya Nipashe “Aibu kwa profesa Maghembe ....

JAMHURI YA MUNGANO WA TANZANIA
WIZARA YA MAJI

TAARIFA KWA UMMA

Katika gazeti la Nipashe la Jumapili tarehe 12 Mei 2013 mwandishi Mshaka Mgeta aliandika makala yenye kichwa cha habari “Aibu kwa Profesa Maghembe na dharau kwa wataalamu wa Wizara” na kuwa, Wizara ya Maji imejiwekea rekodi chafu kwa bajeti yake kurejeshwa kabla ya kupitishwa na Bunge na wataalamuwa wa Wizara ya Maji wamekuwa miongoni mwa wasiosikilizwa na kupuuzwa suala hilo si la kweli.

Mnano tarehe 24 na 25 Aprili, 2013, Waziri wa Maji Mhe. Prof. Jumanne Abdallah Maghembe (MB) aliwasilisha Bungeni Bajeti ya Makadirio ya Mapato na Matumizi ya Wizara ya Maji kwa mwaka 2013/2014.

Bajeti hiyo iliwasilishwa na mjadala uliendelea kwa muda wa Siku mbili. Mjadala mkubwa ulikuwa Bungeni baada ya 

kuwasilisha maoni ya Kamati ya kudumu ya Kilimo, Mifugo na Maji kuwa Bajeti ya Wizara ya Maji haitoshi.

Mjadala ulihairishwa na Mhe. Spika chini ya Kanuni ya Bunge 67(2) ya Kanuni za Kudumu za Bunge kama Ibara ya 89(1) ya Katiba ya Jamhuri ya Muungano wa Tanzania sura ya 2 Toleo la 2002. Wakati huo, Bunge halikuulizwa kama linakubali au kukataa Bajeti ya Wizara ya Maji.

Read more »

MAMA PINDA: TUMUOMBE MUNGU YASITOKEE MABOMU MENGINE

 

Mama Tunu Pinda akiwa anaonyweshwa na Paroko Peddy Castellino mahali Bomu lilipo angukia na kusababisha maafa na majeruhi katika kanisa Katoliki Parokia ya Olasiti mkoani Arusha katikati ni Naibu Waziri wa Sheria na Katiba Angela Kairuki kulia kwa Mama Pinda ni Mkuu wa Wilaya Arusha Jonh Mongela picha na Chris Mfinanga

Mama Tunu Pinda akiwa na viongozi wa parokia ya Olasiti wakiwaombea Marehemu walio fariki kutokana na Bomu lililo tupwa katika kanisa Katoliki parokkia ya Olasiti Mkoani Arusha marehemu hao wamezikwa katika eneo la Kanisa mahali Bomu lilipo tupiwa Picha na Chris Mfinanga

Mama Tunu Pinda akiwa anampa pole Bibi Consesa Mbaga (43) ambaye nimiongoni wa majeruhi walio lazwa katika Hospitali ya Maunt Meru kutkana na majeraha ya bomu iliotokea katika Kanisa la Katoliki Parokia ya Olastiti na kusababisha vifo na majeruhi  picha na Chris Mfinanga

Read more »

Dk Shein akutana na balozi wa Indonesia leo

 Rais wa Zanzibar na Mwenyekiti wa Baraza la Mapinduzi Dk. Ali Mohamed Shein,akisalimiana na Balozi wa Indonesia nchini Tanzania  <ke Zakaria Anshar,alipofika Ikulu Mjini Zanzibar kwa mazungumzo na Rais leo asubuhi